ခရေငယ်

ရင်ထဲ . . ပရမ်းပတာ ၀ုန်းဒိုင်းကြဲနေမှလား . .
တမြေ့မြေ့စွဲလောင်ပြီး သတိရခြင်းကို ခြွေနေတတ်တာလဲ
အလွမ်းပဲ . .  ။

သတ္တိကောင်းလွန်းလို့တော့ ဘယ်ဟုတ်ပါ့မလဲ . .

ပျိုးထောင်သူမဲ့ ပွင့်တဲ့အချစ်ရယ်
ရွေးချယ်ယူခဲ့တဲ့ အဝေးဘ၀တစ်ခုရယ် ရှိနေမှတော့
တမ်းတရတာကို သွေးကြောင်လို့ မဖြစ်ဘူး မဟုတ်လား . . ။

နေ့တိုင်းရဲ့ စက္ကန့်တံတွေမှာ
သတိရခြင်းခြေရာတွေ ကပ်ပါသွားကြတော့
ကိုယ့်နာရီတွေ အလွမ်းနဲ့ တင်းပြည့်ကျပ်ပြည့်ဖောင်းကားလေးလံလို့ . . ။

မနီးနိုင်တဲ့အကွာအဝေးက
မတွေးဘဲတောင် ခြားထားတဲ့နောက်မှာ
သူကတော့ သိချင်သိမယ် ၊ မသိချင်လဲ မသိမယ်
ကိုယ့်အိပ်မက်အိတ်ကြီးတောင် အလွမ်းရောင်ဆိုတာကိုလေ . . ။


ခရေငယ်(2011/12/15)

မင်းသားက မင်းသမီးနဖူးကိုအနမ်းမှာ
ဇာတ်ပေါင်းခန်းနဲ့ ဆုံးလိုက်ချင်ပေမယ့် . .

အခုတော့ . .
ဗလာဖြစ်လုရင်ထဲက စကားလုံးအပိုင်းတွေ
အလွမ်းရောင် ပိတ်ကားပေါ်မှာ
တစစီ ဆက်နေခွင့်သာရှိတယ် . . ။

ဆောင်းဦးနံနက်ခင်းဆိုတာ အေးသင့်တာလို့ သိပေမယ့်
မနေ့ကထက် ရာသီဥတုပူတယ် . . ။

အိမ်နားက ပိတောက်ပင်လဲ နဂိုထက် အရွက်ပိုကြွေ
ပြတင်းတံခါးနား လာနေကျငှက်တွေလဲ စကားနဲ
မှန်ထဲက အရိပ်မှာလဲ တက်ကြွခြင်း“ ကွယ်” လို့ . . ။

“ ငိုထားသလား” အမေးတွေကို
မကြားယောင်ဆောင် . .
အနွေးဓါတ်မပြယ်သေးတဲ့ လက်တစ်ဖက်ကို
ယောင်နနအကြည့်နဲ့ ငေး . . ။

လွမ်းဖို့ကလွဲ ဘာမှမသိလို့
ရင်ထဲ ၀ုန်းဒိုင်းကြဲရွတ်နေမိတာက
တစ်ကြောင်းတည်း . .

“ ဘယ်တော့ ထပ်လာကြိုရဦးမှာလဲ ”


ခရေငယ်(2011/10/24)

အဖြူနဲ့ စိမ်းပြာ . . ဒီကာလာတွေဝတ်ထားရင်း
မနက်ခင်းတွေ လူးလဲထ ပေမယ့်
ကားနောက်ကျဖူးတာ ခဏ ခဏ . . .

လေကြမ်းရင်ပြိုတဲ့
အမိုးမလုံ အကာမရှိ ကင်တင်းအိုတွေမှာ
တစ်ခါတစ်လေပေး . . တစ်ခါတစ်လေ အကြွေးနဲ့
အသက်သွေးကို ဆက်ဖူးခဲ့ . . .

ဖုန်ထူထူ နေပူပူမှာ
အေးရိပ်သာယာ ဇီးခြံသာတွေ
ရေပြာဝါစိမ်းတို့နဲ့ မြစ်ငယ်ရဲ့
ဂန္ဒ၀င်ဆန်တဲ့ အလှကဗျာတွေက
ကျောင်းတော်ကို လွမ်းတဲ့ “ လွမ်းချင်း ” မှာတော့
ခမ်းနားခြင်း အပြည့် . . .

မျှော်လင့်ထားတဲ့ စကား ကြားရဖို့
ရွှေကြေးစည်သံကြားမှာ
ဆုတောင်းထားဖူးမယ့်
ကျောင်းတော်ရဲ့ တော်ရုံဖော်မစုံသူများမှာလဲ
ထိပ်ဆုံးက ဗိုလ်စွဲခဲ့ဖူးတယ် . . .

တအုံရဲ့ အဖြစ်များဆုံးရောဂါနဲ့
တက္ကသိုလ်ဆေးရုံ ရဲ့ ဖောက်သည်
တစ်နှစ် ၂ခေါက်မက ဆက်သွယ်ခဲ့ရဖူးတယ် . .

ခပ်ကြပ်ကြပ် ကျောင်းကားလို
တင်းတင်းကြပ် စည်းကမ်းများအောက်မှာ
ရောက်တတ်ရာရာ စိတ်ကူးများစွာနဲ့
တစ်ဖွဲ့စီ တစ်လှည့်စီ လိုက်နာလွန်ရင်း

ခေတ်မီသူတိုင်း အော်တိုစာအုပ် မှာ
နေရာတစ်နေရာ ရဖူးပြန်ရော . . .

မရောက်ဖြစ်တာ ကြာတော့
တို့စိုက်ခဲ့တဲ့ ရေတမာတွေ အပင်မသန်ရင်နေ
အသက်တွေ ကြီးနေရော့မယ် . . .

တို့ရေးခဲ့တဲ့ စာအုပ် တွေလဲ (သိမ်းထားမယ်ဆို)
အရောင်ပြောင်းလို့ ဟောင်းနေရော့မယ် . . .

မကြာမကြာ လာချင်ပေမယ့် (အလည်သက်သက်သာ)
အခြေနေ မပေးတော့လဲ
စိတ်ကူးနဲ့ အဝေးကမှန်း
လွမ်းလိုက်တာ ကျောင်းတော်သာရယ် . . . ။ ။

ခရေငယ်
.........
အော်တိုစာအုပ် = ကျောင်းအုပ်ကြီးရဲ့ ပြစ်ချက်မှတ်တမ်းစာအုပ် . .း)

ခေငယ်တစ်ယောက်Valentines Day ရောက်တိုင်း . . မန်းလေးလမ်းတွေကို သတိရတယ်။ မန်းလေးက ValentinesDay နားနီးရင် လမ်းမတွေရဲ့ဘေးမှာ ချစ်စရာဆိုင်လေးတွေထွက်တယ်ဗျ။ ပန်းစည်းလေးတွေ ၊ အရုပ်လေးတွေ၊ ကဒ်လေးတွေ ၊ ချောကလက်ဗူးတွေ စသဖြင့် စသဖြင့်တွေ လှတပတ စီရီခင်းကျင်းလို့ အချစ်သီချင်းလေးတွေကလဲလမ်းမတစ်လျှောက် ပျံဝဲလို့ ။ Valentines ချိန်မှာ မန်းလေးက လှမှလှ ။ ခေငယ်တို့ကျောင်းတက်တုန်းကလဲအဲ့ချိန်ဆို ညတွေထိဖွင့်တဲ့ ဆိုင်လေးတွေကို လိုက်ငေးရတာ ပျော်စရာကောင်းတယ်။ ဒါမယ့်အဲ့ဆိုင်လေးတွေက ချောကလက်တော့ တစ်ခါမှဝယ်မစားခဲ့ရ ချစ်သူကိုလဲ ၀ယ်မပေးခဲ့ရဖူးဘူးဗျာ။အမယ် . . ခေငယ်ရည်းစားမရှိဘူးလို့တော့ အထင်မသေးနဲ့။ အဲ့ချိန်ရောက်တိုင်း ပိုက်ဆံပြတ်နေတတ်တာကအဓိကပြသနာပါ။ ဒါမယ့် ချောကလက်မစားရလို့ ဘာမှမဖြစ်ပေါင်။ ချောကလက်ကို စားရတာ ပျင်းတွဲတွဲကြီးနဲ့ဖီးလ်မလာဘူးရယ်လို့ ခေငယ်တစ်ယောက် မကြိုက်မှမကြိုက်ဘဲကိုး။ စားရင်လဲ ဟိုနားကပ် ဒီနားကပ်နဲ့ပါးစပ်ထဲမှာ အလုပ်ရှုပ်ချက်ဗျာ။ ကြေကွဲရတယ်ဆိုတာက သူများတွေဝယ်လို့ ကိုယ်လဲဝယ်ချင်တာမှာပိုက်ဆံက ပြတ်ပြတ်နေတတ်တော့ အဲ့ချိန်ဆို ကြေကွဲတာပါ။ ဒါမယ့် ရည်းစားကိုတော့ ချောကလက်ဝယ်ပေးဖို့မပူဆာဖူးဘူး။ ဂလိုနဲ့ရည်းစားတွေအစဉ်ဆက်ထားလာရင်း. . ခေတ်အဆက်ဆက်မှာ ချောကလက်ကို မေ့လျော့စွာဖြတ်သန်းလာတယ်ပေ့ါလေ။

ဟိုတလောက. . ရုံးမှာညီမတစ်ယောက်က ချောကလက်ဗူးကြီးတစ်ဗူးဝယ်လာပြီး စားဖို့လာပေးထားတယ်။ အလုပ်လုပ်ရင်းတခြားစားစရာကလဲမရှိဆိုတော့ ပါးစပ်အားတိုင်း ဒါကြီးဖွင့်ဖွင့်စားနေလိုက်မိတာပဲ။ ဒီလိုနဲ့မသိမသာ . . ချောကလက်မရှိရင် စိတ်ထဲဟာတာတာဖြစ်လာပြီး တစ်သက်နဲ့တစ်ကိုယ် မကြိုက်ခဲ့တဲ့ချောကလက်ကြီးကို ခေငယ်တစ်ယောက် စွဲသလိုလိုဖြစ်လာရောဆိုကြပါစို့။ ဒါနဲ့ ဈေးဝယ်ထွက်ရင်ချောကလက်တွေလိုက်ရှာတဲ့အလုပ်တစ်ခု တိုးလာရော။ ပြီးတော့ ချောကလက်စားရင် ၀တယ်ဆိုတာလဲသဲ့သဲ့ကြားဖူးထားတော့ ငဖောင်ရိုးဘ၀က လွတ်လိုလွတ်ငြား ချောကလက်ကောက်ရိုးတစ်မျှင်ကိုဆွဲမိတာလဲပါတာပေါ့။

ဂလိုနဲ့ ဟိုတလောတုန်းက(စကားလုံးအသုံးနှုံးတော်ချက်ကတော့ ဟိုတလောတွေကိုထပ်လို့ . . :D) ချစ်သူကမေးတယ်။ “ ခလေးဆီ . . လက်ဆောင်ပို့မလို့ ဘာလိုချင်လဲ” တဲ့။ ဒီတော့ ခေငယ်ကပြန်ပြောလိုက်တယ်
“ ဟေ့ . . ချစ်ချစ် . . ချောကလက်ဆက်သစမ်း”ပေါ့။(စာရေးတာကခေငယ်ရေးတာဆိုတော့ . . ခေငယ်ဘုရင်မစတိုင်လုပ်ကြည့်တာ . . ဟီးဟီး။တကယ်ပြောတာတော့အဲ့တိုင်းဘယ်ဟုတ်မတုန်း “ ခေငယ် ချောကလက်စားချင်လို့ဦးကို” ပေါ့ကွယ်)
“ ဟော ချောကလက်က အရည်ပျော်မှာပေါ့ .. အဲ့ရောက်ရင် စားလို့ဖြစ်တော့မှာမုတ်ဘူး ခလေးရဲ့။တခြားဟာ စဉ်းစား” ဆိုတော့လဲ “ ဟေ့အေးချောကလက်မှ ချောကလက်ပဲ။ မပျော်အောင် သိပ်ကောင်းတာ မပို့နဲ့။ ပြီးတော့ ပျော်လဲ အပြင်မထွက်နိုင်တဲ့အိတ်ပိတ်ချောကလက်ပို့ ” စသဖြင့် တသီတတန်းမှာလွန်းမက မှာတော့ နောက်ဆုံးမှာ
“ အွန်း ပို့လိုက်မယ်. . မနက်ဖြန်သွားဝယ်မယ်” ဆိုတဲ့စကားကို ပြန်ရရော။ပြီးတော့
“ ခလေးရေ ပါဆယ်ပို့ထားပြီ ” ဆိုတဲ့ စကားလေးရတယ်။

ဒီတော့ ရုံးကညီမလေးကို“ ဟေ့လူ ကျုပ်ချစ်ချစ် ချောကလက်ပို့မယ်ပြောထားတယ်။ ၀ါးစရာရတော့မယ်” လို့ ပြောပြတော့ . .
“ ဟာ . . ပျော်စရာမီးတို့ကိုလဲကျွေးနော် အမ ” ဆိုတော့ မျက်နှာလိုမျက်နှာရ “ အေး . . ကျွေးမယ်။ များကြီးပို့ခိုင်းထားတယ်”ပေါ့။ ချစ်သူပို့ပေးမှာဆိုတော့ကြားထဲမှာ ဘာချောကလက်မှ မစားဘူး။ စားချင်စိတ်ကိုမြိုသိပ်ပြီး ဘယ်တော့များ ရောက်လာမလဲနဲ့ မျှော်လင့်နေတော့တာ။

ဂလိုနဲ့ ရုံးမှာပါဆယ်ရောက်သည်။ ပါဆယ်လက်ခံ။ ချောကလက်ပါဆယ်ထုပ်ကြီးတမမနဲ့ ပြုံးပျော်ရွှင်နေတဲ့ ခေငယ်ဖြစ်ရပြီ။ဒါမယ့် ချောကလက်ပါဆယ်ကလဲ မ ရတာတော့ ပေါ့သလိုလိုကြီး။ အရည်ပျော်လို့ထွက်ကျကုန်လား ဆိုပြီးလိုက်ကြည့်တော့လဲဖောက်ရာ ပေါက်ရာမရှိ အကောင်းပကတိ။ ဒါဆို ကိုယ့်စကားနဲ့ကိုယ် သိပ်မကောင်းတဲ့ ချောကလက်များပို့လို့ပေါ့ပေါ့ကြီးဖြစ်နေသလား။ “ အမ . . မီးတို့လဲစားမှာနော် ” ဆိုတော့ “ ဒါပေါ့.. ကျွေးမယ် ” ဆိုပြီး ချစ်သက်လက်ဆောင် ချောကလက်ပါဆယ်ကြီးကို ဖွင့်လိုက်တော့ . . . အဖြူရောင်အင်္ကျီတထည် အစိမ်းရောင်အင်္ကျီတထည် . . စာတစောင်တို့က ခေငယ့်ချောကလက် မျှော်လင့်ချက်ကြီးကိုပြောင်ပြနေကြတယ်။

စာထဲမှာ “ ခလေး . . ဦးကိုချောကလက်သွားဝယ်ရင်း အင်္ကျီတွေတွေ့လို့ဝယ်လိုက်တယ်။ပြီးတော့ ချောကလက်က ခလေးရဲ့အင်္ကျီတွေကို စွန်းမှာစိုးလို့ မထည့်ပေးလိုက်တော့ဘူး။ နောက်မှ သတ်သတ်စားတော့နော်” တဲ့ဗျာ။ တခါတခါ ချောကလက်ဆိုတာ ဒီလိုပဲ အင်္ကျီအဖြစ် အသွင်ပြောင်းသွားတတ်တယ်။

ဒီတစ်ခါထဲတော့မဟုတ်ဘူးဗျ. . ခေငယ့်ချစ်သူက အဲလိုတခါတလေ ခဏဏအူကြောင်ကြောင်နိုင်ပြီး ချစ်စရာကောင်းတယ်။

ကပ်တိုးလေးကြွားရဦးမယ်။သူများတွေရည်းစားတွေကိုဆို နတ်သမီးလေး . . ကလီယိုပက်ထရာလေး စသဖြင့် တင်စားကြတာတွေ ရှိတယ်မဟုတ်လား။အဲလိုလှတာမလှတာအသာထား ကြားရတဲ့ချစ်သူကတော့ ပျော်သွားတာပေါ့။ ခေငယ့် ချစ်သူကလဲ ခေငယ့်ကိုတင်စားတာလေးတွေရှိတယ်။ သူက ကဗျာရေးတဲ့သူဆိုတော့စကားလုံး အနုအရွလေးတွေ သုံးတတ်တယ်။ ခေငယ့်ကို ဘယ်သူနဲ့တင်စားလဲဆိုတော့ . . မိုက်ကယ်ဂျက်ဆင်ငယ်တုန်းကမဲမဲလေးပုံနဲ့တူသတဲ့ . . နောက် ရော်နယ်ဒင်ဟိုလေးတဲ့။ ခေငယ် စိတ်ကောက်တိုင်း မိုက်ကယ်ဂျက်ဆင်လေး. . ရော်နယ်ဒင်ဟိုလေးဆိုပြီး လာလာချော့တတ်တယ်။သူတို့လိုအောင်မြင်လို့ တော်လို့ အဲလိုတင်စားတာလို့ တွေးရအောင်ကလဲအဲလို မတော် . . မအောင်မြင်တော့ ခက်သား။ တသက်လုံးမကောက်နေနိုင်လို့သာ ပြေလိုက်ရတယ်. . သူ့ချော့ပုံနဲ့သာဆို ချော့မှုတစ်မှုတိုးပြီး ထပ်တောင်ကောက်ရမလိုပဲ။ တော်ကြာ မပြေသေးလို့ ဘင်လာဒင်လေးလို့ ချစ်စနိုးထပ်တိုးခေါ်နေရင်မခက်လားကွယ်။

တခါတော့. . သူများဂျီတော့စတေးတပ်မှာ
boy . ." Close Your Eyes ."
girl .. She closes her eyes.
boy .. " What do you see?"
girl .. "Nothing"
boy . . " This is my life without you." ဆိုတာလေးတွေ့တော့. . တော်တော်သဘောကျသွားတယ်။ ချစ်သူက ခေငယ့်တွက်အဲလိုပဲလို့ တင်စားချင်လာရော။ ဒါနဲ့ လှမ်းခေါ်တယ်။

ခေငယ် .. “ ဦးကိုရေ ”
ချစ်ချစ်. . “ ပြော ခလေး”
ခေငယ် .. “ မျက်စိမှိတ်ကြည့် . .ခဏပဲမှိတ် ပြီးရင်ပြောဦး”ပေါ့ . . မှိတ်နေလို့ခေငယ်မေးတာတွေ မဖတ်တော့ရင် ဂွမ်းပြီကိုး။ အဲ့တော့ ခဏပဲမှိတ်ခိုင်းလိုက်တာပေါ့။
ချစ်ချစ်. . “ ဟော . . ဘာလုပ်မလို့တုန်း ”
ခေငယ် .. “ ခဏ မှိတ်ပါဆိုကွာ . . ပြီးတော့ ပြောမယ်လို့ပါဆို”
ဒီလိုနဲ့. .
ချစ်ချစ်. . “ ပြီးပြီ ခလေး ” ဆိုတော့
ခေငယ် .. “ ဘာမြင်ရလဲ ” ပေါ့ တလက်စထဲ ချက်ဘောက်စ်ထဲမှာ“ အဲဒါ ဦးကိုမရှိတဲ့ ခေငယ့်ဘ၀ပေါ့ . .း) ” ဆိုတာကို ရိုက်ထားလိုက်ပြီ။ သူဖြေလိုက်တာနဲ့Enterခေါက်ရုံပဲ။

ဂလိုနဲ့ ဖြေလာတယ်. . “ ခလေးကို မြင်တယ်” တဲ့ . . .း(

အဲ့တော့ တွက်ကိန်းလွဲသွားတဲ့ခေငယ်တစ်ယောက်ရိုက်ထားလက်စလေးပြန်ဖျက်ပြီး မဟုတ်ဘဲညာရမလားလို့ ရန်လုပ်လို့မဆုံးတော့။
တခါတခါ အမြဲနီးပါး(တခါတခါက ဖော့ရေးချင်လို့ ထည့်ထားတာ :P)အဲလိုပဲ ၂ယောက်ကြားမှာ တလွဲတွေ။

ခရေငယ်

မိုးတွေရွာလာပြီ . .
အတွေးနဲ့ ပလက်ဖောင်းပေါ်လျှောက်လာရင်း ထီးကိုဖွင့်ဆောင်းလိုက်ပြီး ပတ်ဝန်းကျင်ကို သတိထားလိုက်မိတော့ ထီးဖွင့်ဆောင်းပြီးလမ်းလျှောက်နေတာ ကျွန်မတစ်ယောက်တည်းပါလား။ တကယ်က မိုးစက်သေးသေးလေးတွေ ဖွဲဖွဲကျတာတောင်မဟုတ်သေးဘူး။ တကယ့်သေးသေးလေးတွေက တစ်ခါတစ်လေမှ ကျလာတာမျိုး ဘယ်သူက ထီးထုတ်ဆောင်းမှာလဲ။ ကျွန်မဆို ခါတိုင်းမိုးစက်တွေခပ်စိပ်စိပ်ကျလာသည်ထိ ခပ်သည်းသည်းရွာတာမဟုတ်သည်ထိ ပေတေပြီး ဒီတိုင်းလျှောက်နေတတ်သေးတာ။ တော်တန်ရုံမိုးရွာတာလောက်များ . . ရန်ကုန်နဲ့အတူအသားကျလို့ သိပ်ဂရုမစိုက်ဖြစ်ဘူး။

ဒါပေမယ့် ခု တစ်ခါတစ်လေမှ သေးသေးလေးတစ်ပေါက်လောက်ကျတဲ့ မိုးစက်လေးတွေကို အလန့်တကြား ထီးထုတ်ဆောင်းနေမိတဲ့ စိတ်အခြေအနေကို သတိရသွားတယ်။ နာကျင်ထိတ်လန့်တတ်တဲ့စိတ်က မိုးစက်သေးသေးမှုန်မှုန်လေးဒဏ်ကိုတောင် အသည်းခိုက်မတတ် ကြောက်ရွံ့နေပြီလား။ ကျွန်မတစ်ယောက်တည်း ဆောင်းနေတာမို့ ထီးကိုပိတ်ပစ်လိုက်ရကောင်းမလား။ ဒါပေမယ့် ပိတ်လိုက်ရင်လဲ သူများတွေသတိမထားမိတဲ့ မိုးစက်သေးသေးလေးတွေဒဏ်ကို ကျွန်မအလူးအလဲ ခံနိုင်ပါ့မလားတွေးလိုက်တော့ မပိတ်ဖြစ်တော့ဘူး။ တစ်လမ်းပြီးတစ်လမ်းဖြတ်လျှောက်လာရင်း . . ကျွန်မနေတဲ့နေရာဆီ ရောက်လာခဲ့တယ်။

လေတိုးနေတာကို သိတယ်။ ဘာကြောင့်ဆို ကျွန်မချမ်းနေခဲ့တယ်လေ။ ဟိုးး . . ဒီဇင်ဘာတုန်းကရခဲ့ဖူးတဲ့ အေးစက်ခြင်းမျိုး။ ဟိုး . . ဒီဇင်ဘာတုန်းက ရေခဲမှုန်ပါတဲ့လေတွေ စိတ်ဖျားတဲ့အချိန်ဆို ကျွန်မကိုချမ်းခိုက်ခိုက်တုန်စေတယ်။ မုန်းတယ် ဒီဇင်ဘာ . . ရက်စက်ဖို့ရည်ရွယ်ရင်ကျွန်မရဲ့မိုးရာသီထဲဝင်မလာနဲ့။